.കണ്ണൂരില് എം.എസ്.എഫ് മാര്ച്ചിലും സംഘര്ഷം
തിരുവനന്തപുരം: വയനാട് പൂക്കോട് വെറ്ററിനറി സര്വകാലാശാലയിലെ വിദ്യാര്ത്ഥി സിദ്ധാര്ത്ഥന്റെ ദുരൂഹമരണത്തില് കെ.എസ്.യു നടത്തിയ സെക്രട്ടേറിയറ്റ് മാര്ച്ചില് സംഘര്ഷം. കെ.എസ്.യു പ്രവര്ത്തകര്ക്ക് നേരെ പൊലീസ് മൂന്ന് തവണ ജലപീരങ്കി പ്രയോഗിച്ചു. പ്രതിഷേധക്കാരുടെ നേരെ ലാത്തി വീശി. പൊലീസിന്റെ ബാരിക്കേഡ് മറികടക്കാന് പ്രവര്ത്തകര് ശ്രമിച്ചതോടെ സംഘര്ഷമുണ്ടായി. പൊലീസും പ്രവര്ത്തകരും വാക്കേറ്റവും കയ്യേറ്റവുമുണ്ടായി. സെക്രട്ടേറിയറ്റിന്റെ മതില് ചാടിക്കടക്കാന് ശ്രമിച്ച പ്രവര്ത്തകരെ പൊലീസ് നേരിട്ടു. ജില്ലാ നേതാക്കള് ഇടപെട്ട് പ്രവര്ത്തകരെ അനുനയിപ്പിച്ചതിനെ തുടര്ന്നാണ് സംഘര്ഷസാഹചര്യത്തിന് അയവ് വന്നത്. അതിനിടെ പൂക്കോട് വെറ്ററിനറി സര്വകലാശാല വിദ്യാര്ത്ഥി സിദ്ധാര്ത്ഥന്റെ മരണത്തില് പ്രതിഷേധിച്ച് കണ്ണൂരില് എം.എസ്.എഫ് നടത്തിയ മാര്ച്ചില് സംഘര്ഷം. ഉത്തരമേഖലാ ഡി.ഐ.ജി ഓഫീസിലേക്കായിരുന്നു മാര്ച്ച്. നടുറോഡില് മുഖ്യമന്ത്രിയുടെ കോലം കത്തിച്ചു. പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി. ബാരിക്കേഡ് മറിച്ചിടാന് പ്രവര്ത്തകര് ശ്രമിച്ചതോടെ പൊലീസ് ജലപീരങ്കി പ്രയോഗിച്ചു.