കശ്മീരില്‍ വാഹനം മറിഞ്ഞ് നാല് മലയാളികള്‍ ഉള്‍പ്പെടെ അഞ്ച് പേര്‍ മരിച്ചു

Top News

ശ്രീനഗര്‍:ജമ്മു കശ്മീരില്‍ വാഹനാപകടത്തില്‍ നാലു മലയാളികള്‍ അടക്കം അഞ്ചു പേര്‍ മരിച്ചു. സോജില പാസില്‍ നിന്ന് സോന്‍മാര്‍ഗിലേക്ക് പോയവരാണ് അപകടത്തില്‍പ്പെട്ടത്. വാഹനത്തിന്‍റെ നിയന്ത്രണം നഷ്ടപ്പെട്ട് മലയിടുക്കിലേക്ക് മറിയുകയായിരുന്നു. വിനോദ സഞ്ചാരികളാണ് അപകടത്തില്‍പ്പെട്ടത്.
പാലക്കാട് ചിറ്റൂര്‍ സ്വദേശികളായ സുധേഷ്, അനില്‍, രാഹുല്‍, വിഗ്നേഷ് എന്നിവരാണ് മരിച്ച മലയാളികള്‍ എന്നാണ് വിവരം. ശ്രീനഗര്‍ സ്വദേശിയായ ഡ്രൈവര്‍ ഐജാസ് അഹമ്മദ് ആണ് മരിച്ച മറ്റൊരാള്‍. മൂന്നുപേര്‍ക്ക് പരുക്കേറ്റു.
കേരളത്തില്‍നിന്നുള്ള സഞ്ചാരികളുമായി പോയ ടാക്സിയാണ് അപകടത്തില്‍പ്പെട്ടതെന്നാണ് വിവരം. ശ്രീനഗറിനെ ലഡാക്കിലെ ലേയുമായി ബന്ധിപ്പിക്കുന്ന ഹൈവേ കടന്നുപോകുന്ന ചുരമാണിത്. അപകടം നടന്നതിനു പിന്നാലെ രക്ഷാപ്രവര്‍ത്തനം നടത്തിയതായി അധികൃതര്‍ പറഞ്ഞു.

Leave a Reply

Your email address will not be published. Required fields are marked *