തിരുവനന്തപുരം: മുഖ്യമന്ത്രിയുടെ സന്ദര്ശനത്തിന്റെ പേരില് പ്രവര്ത്തകരെയും നേതാക്കളെയും അനധികൃതമായി കരുതല് തടങ്കിലെടുക്കുന്നതിനെതിരെ കോണ്ഗ്രസ് നിയമ നടപടി സ്വീകരിക്കുമെന്ന് കെ.പി.സി.സി പ്രസിഡന്റ് കെ.സുധാകരന് എംപി.മുഖ്യമന്ത്രിക്ക് പൊതുപരിപാടികള് ഉണ്ടെങ്കില് ജനത്തിന് പുറത്തിറങ്ങാന് കഴിയാത്ത അവസ്ഥയാണ്.കണ്ണൂരിലും,പാലക്കാടും ,കോഴിക്കോടും എറണാകുളത്തും ഉള്പ്പെടെ എല്ലാ ജില്ലകളിലും അപ്രഖ്യാപിത അടിയന്താരവസ്ഥക്ക് തുല്യമായ നടപടികളാണ് മുഖ്യമന്ത്രിക്ക് വേണ്ടി പൊലീസുകാര് കാട്ടിക്കൂട്ടുന്നത്. പൊതുജനത്തെ വഴിയില് തടഞ്ഞും രാഷ്ട്രീയ എതിരാളികളെ ജയിലടച്ചും മുഖ്യമന്ത്രി കാട്ടിക്കൂട്ടുന്ന പേക്കൂത്ത് പ്രതിഷേധാര്ഹമാണ്. സഞ്ചാരസ്വാതന്ത്ര്യവും ഇഷ്ടമുള്ള വസ്ത്രധാരണവും ഉള്പ്പെടെ ഭരണഘടന വിഭാവനം ചെയ്യുന്ന മൗലികാവകാശങ്ങളുടെ മേല് കടന്നുകയറുകയാണ് സംസ്ഥാന ഭരണകൂടമെന്നും സുധാകരന് പറഞ്ഞു.
Thursday, January 23, 2025