ഇസ്ലാമാബാദ്:പാകിസ്താന് മുന് പ്രധാനമന്ത്രി ഇമ്രാന് ഖാനെ പത്തു വര്ഷത്തെ തടവിനു ശിക്ഷിച്ച് പാക്ക് കോടതി. ഔദ്യോഗിക രേഖകള് പരസ്യമാക്കിയ സൈഫര്കേസിലാണ് വിധി. അടുത്ത മാസം എട്ടിന് പാകിസ്താനില് പൊതുതെരഞ്ഞെടുപ്പ് നടക്കാനിരിക്കെയാണ് പാകിസ്താന് തെഹ്രികെ ഇന്സാഫ് (പിടിഐ) അധ്യക്ഷന് കൂടിയായ ഇമ്രാനെ തടവുശിക്ഷയ്ക്ക് വിധിച്ചത്. മുന് വിദേശകാര്യ മന്ത്രി ഷാ മഹ്മൂദ് ഖുറേഷിക്കും പത്തു വര്ഷം തടവുശിക്ഷ വിധിച്ചു.
2022 മാര്ച്ചില് വാഷിംഗ്ടണിലെ എംബസി അയച്ച രഹസ്യ നയതന്ത്ര കേബിള് വെളിപ്പെടുത്തി ഔദ്യോഗിക രഹസ്യ നിയമം ലംഘിച്ചുവെന്നാണ് സൈഫര് കേസ്. കേസില് ഇമ്രാന് ഖാനും മഹ്മൂദ് ഖുറേഷിയും കുറ്റക്കാരാണെന്ന് കഴിഞ്ഞ ഒക്ടോബറില് കണ്ടെത്തിയിരുന്നു. വിധിക്കെതിരെ ഇമ്രാന്ഖാന് ഹൈക്കോടതിയില് അപ്പീല് നല്കിയേക്കും
