ലക്നൗ: ലോകകപ്പില് തുടര്ച്ചയായ രണ്ടാം മത്സരത്തിലും ഓസ്ട്രേലിയക്ക് തോല്വി. ദക്ഷിണാഫ്രിക്കയ്ക്ക് എതിരെ 134 റണ്സിന് ഓസീസ് പരാജയപ്പെട്ടു.
ദക്ഷിണാഫ്രിക്ക ഉയര്ത്തിയ 312 റണ്സ് പിന്തുടര്ന്ന ഓസീസിന്റെ പോരാട്ടം 177 റണ്സില് അവസാനിച്ചു. ഓസ്ട്രേലിയന് നിരയില് മര്നസ് ലാബുഷെയ്ന് (46) ഒഴികെ ആര്ക്കും ഭേദപ്പെട്ടപ്രകടനം പുറത്തെടുക്കാനായില്ല. ദക്ഷിണാഫ്രിക്കയ്ക്കായി കഗിസോ റബാദ മൂന്ന് വിക്കറ്റുകള് വീഴ്ത്തി. വാലറ്റക്കാരുടെ പ്രകടനമാണ് ഓസീസിനെ വലിയ നാണക്കേടില് നിന്ന് രക്ഷിച്ചത്
നേരത്തെ, ടോസ് നഷ്ടമായി ആദ്യം ബാറ്റ് ചെയ്ത ദക്ഷിണാഫ്രിക്ക ഓപ്പണര് ക്വിന്റണ് ഡി കോക്കിന്റെ സെഞ്ച്വറിയുടെയും ഏയ്ഡന് മാര്ക്രത്തിന്റെ വെടിക്കെട്ട് അര്ധസെഞ്ചുറിയുടെയും കരുത്തിലാണ് 50 ഓവറില് ഏഴ് വിക്കറ്റ് നഷ്ടത്തില് 311റണ്സെടുത്തത്. 108 റണ്സെടുത്ത് ലോകകപ്പിലെ തുടര്ച്ചയായ രണ്ടാം സെഞ്ച്വറിയാണ് ഡി കോക്ക് നേടിയത്.
