മുംബൈ: ഐപിഎല്‍ പതിനാലാം സീസണിന്‍റെ ശേഷിക്കുന്ന മത്സരങ്ങള്‍ സെപ്തംബര്‍ 19ന് പുനരാരംഭിക്കും. മുംബൈ ഇന്ത്യന്‍സ് ചെന്നൈ സൂപ്പര്‍ കിങ്സ് മത്സരത്തോടെയാണ് രണ്ടാം ഘട്ടത്തിന് തുടക്കമാവുന്നത്. 31 മത്സരങ്ങളാണ് ടൂര്‍ണമെന്‍റില്‍ ബാക്കിയുള്ളത്. ഒക്ടോബര്‍ 15നാണ് ഫൈനല്‍. 13 മത്സരങ്ങള്‍ക്ക് ദുബായ് അന്താരാഷ്ട്ര സ്റ്റേഡിയം വേദിയാകും.ഷാര്‍ജയില്‍ എലിമിനേറ്ററും രണ്ടാം ക്വാളിഫയര്‍ മത്സരങ്ങള്‍ ഉള്‍പ്പെടെ പത്ത് മത്സരങ്ങള്‍ നടക്കും. രണ്ട് വീതം മത്സരങ്ങള്‍ നടത്താനാണ് ബിസിസിഐ തീരുമാനം. ഉച്ചയ്ക്ക് ശേഷം നടക്കുന്ന മത്സരങ്ങള്‍ 3.30ന് ആരംഭിക്കും. 7.30നാണ് രണ്ടാം മത്സരം. നിലവില്‍ പോയിന്‍റ് പട്ടികയില്‍ 12 പോയിന്‍റുമായി ഡല്‍ഹി ക്യാപിറ്റല്‍സാണ് ഒന്നാമത്.10 പോയിന്‍റ് വീതമുള്ള ചെന്നൈ സൂപ്പര്‍ കിങ്സ്, റോയല്‍ ചലഞ്ചേഴ്സ് ബാംഗ്ലൂര്‍ എന്നിവരാണ് രണ്ടും മൂന്നും സ്ഥാനങ്ങളില്‍. എട്ട് പോയിന്‍റുള്ള മുംബൈ ഇന്ത്യന്‍സ് നാലാം സ്ഥാനത്തും. ആറ് പോയിന്‍റ് വീതമുള്ള രാജസ്ഥാന്‍ റോയല്‍സും, പഞ്ചാബ് കിങ്സുമാണ് അഞ്ചും ആറും സ്ഥാനങ്ങളില്‍. നാല് പോയിന്‍റുള്ള കൊല്‍ക്കത്ത നൈറ്റ് റൈഡേഴ്സ് ഏഴാമതും രണ്ട് പോയിന്‍റുള്ള സണ്‍റൈസേഴ്സ് ഹൈദരാബാദ് എട്ടാമതുമാണ്.
Tuesday, March 21, 2023
