കാച്ചി :വെള്ളാപ്പള്ളി നടേശന് പ്രതിയായ എസ്.എന് കോളേജ് കനകജൂബിലി ഫണ്ട് തട്ടിപ്പ് കേസില് വിചാരണ തുടരാമെന്ന് ഹൈക്കോടതി. വെള്ളാപ്പള്ളി പ്രതിയായ ആദ്യ കുറ്റപത്രത്തില് വിചാരണ തുടരാമെന്നാണ് ഉത്തരവ്.കേസ് തുടരേണ്ടതില്ലെന്ന റിപ്പോര്ട്ട് അംഗീകരിക്കണമെന്ന വെള്ളാപ്പള്ളിയുടെ ആവശ്യം ഹൈക്കോടതി തള്ളുകയായിരുന്നു. തുടരന്വേഷണത്തിന് ഉത്തരവിട്ട സിജെഎം കോടതിയുടെ ഉത്തരവ് ഹൈക്കോടതി റദ്ദാക്കി.
വെള്ളാപ്പള്ളി വീണ്ടും കേസില് പ്രതിയായതോടെ എസ്.എന് ട്രസ്റ്റിലെ സ്ഥാനം തുടരുന്നതിലും നിയമപ്രശ്നമുണ്ട്. പുതിയ നിയമാവലി പ്രകാരം കേസ് അന്വേഷണം നേരിടുന്നവര് സ്ഥാനങ്ങളില് നിന്ന് മാറി നില്ക്കണമെന്നാണ് ഹൈക്കോടതി വിധി.
1998 ല് എസ്എന് കോളേജ് കനക ജൂബിലി ഫണ്ടായി പിരിച്ചെടുത്ത ഒരു കോടി രൂപയില് 55 ലക്ഷം രൂപ പൊതുജന പങ്കാളിത്തമുള്ള കമ്മിറ്റി അറിയാതെ എസ്. എന് ട്രസ്റ്റിലേക്ക് മാറ്റി.കമ്മിറ്റി ചെയര്മാനായിരുന്നു വെള്ളാപ്പള്ളി. ഇതിനെതിരെ അന്ന് കൊല്ലം എസ് എന് ഡി പി വൈസ് പ്രസിഡന്റും ,ട്രസ്റ്റിന്റെ ബോര്ഡ് അംഗവുമായിരുന്ന സുരേന്ദ്ര ബാബു ആണ് കോടതിയെ സമീപിച്ചത്.2020 ല് ക്രൈം ബ്രാഞ്ച് സംഘം വെള്ളാപ്പള്ളിയെ പ്രതിയാക്കി കൊല്ലം സിജെഎം കോടതിയില് കുറ്റപത്രം സമര്പ്പിച്ചിരുന്നു.
എന്നാല് സിജെഎം കോടതി തുടരന്വേഷണത്തിന് ഉത്തരവിടുകയായിരുന്നു. തുടര്ന്ന് വെള്ളാപ്പള്ളി പ്രതിയല്ലെന്ന് ക്രൈംബ്രാഞ്ച് റിപ്പോര്ട്ട് നല്കുകയായിരുന്നു. തുടരന്വേഷണത്തിന് ഉത്തരവിട്ട കൊല്ലം സിജെഎം കോടതിയുടെ നടപടി റദ്ദാക്കണമെന്നാവശ്യപ്പെട്ടുകൊണ്ട് ഹര്ജിക്കാരന് ഹൈക്കോടതിയെ സമീപിക്കുകയായിരുന്നു.
