തിരുവനന്തപുരം: സിഎംആര്എല് മാസപ്പടി വിവാദത്തില് എസ്എഫ്ഐഒ അന്വേഷണത്തിനെതിരെ എക്സാലോജിക് കര്ണ്ണാടക ഹൈക്കോടതിയില് ഹര്ജി നല്കി. കേന്ദ്രസര്ക്കാരും എസ്എഫ്ഐഒ ഡയറക്ടറുമാണ് കേസിലെ എതിര്കക്ഷികള്. ഇന്നലെ രാവിലെയാണ് ഹര്ജി നല്കിയത്.
അന്വേഷണം വേഗത്തില് പൂര്ത്തിയാക്കാന് എസ്എഫ്ഐഒ സംഘം നീക്കം നടത്തുന്നതിനിടെയാണ് സ്റ്റേ ആവശ്യപ്പെട്ടുള്ള എക്സാലോജിക് നടപടി. എക്സാലോജിക് നിയമവിരുദ്ധമായി പണം കൈപ്പറ്റിയതാണ് എസ്എഫ്ഐഒ പരിശോധിക്കുന്നത്.സിഎംആര്എല്ലില് നിന്നും ആദായ നികുതിവകുപ്പില് നിന്നും രേഖകള് ശേഖരിച്ചിട്ടുണ്ട്. 1.72 കോടി രൂപയാണ് കമ്പനി സിഎംആര്എല്ലില് നിന്നും കൈപ്പറ്റിയത്. സേവനം നല്കാതെ പണം കൈപ്പറ്റിയത് അഴിമതിയായി വിലയിരുത്തുകയാണ് കേന്ദ്ര ഏജന്സികള്. ഡെപ്യൂട്ടി ഡയറക്ടര് അരുണ് പ്രസാദിന്റെ നേതൃത്വത്തിലാണ് അന്വേഷണം നടക്കുന്നത്.
Friday, January 24, 2025