. കേന്ദ്രത്തെ സമീപിക്കുമെന്ന് ഗതാഗത മന്ത്രി
തിരുവനന്തപുരം:ഇരുചക്ര വാഹനങ്ങളില് രണ്ട് പേര്ക്ക് പുറമേ കുട്ടികളേയും ഇരുത്തിപോകുമ്പോഴുള്ള പിഴ ഒഴിവാക്കാന് ശ്രമം. നിയമഭേദഗതി തേടി ഗതാഗത വകുപ്പ് കേന്ദ്രത്തെ സമീപിക്കും. ഇതിനായി ഗതാഗതമന്ത്രി ആന്റണി രാജു 10ന് ഉന്നതതല യോഗം വിളിച്ചു. പിഴ ഈടാക്കുന്ന നടപടി വലിയ പ്രതിഷേധങ്ങള്ക്ക് വഴിവെച്ച സാഹചര്യത്തിലാണ് നടപടി. ഇരുചക്രവാഹനത്തില് രണ്ട്പേര്ക്ക് മാത്രമേ യാത്ര ചെയ്യാനാകൂവെന്നാണ് കേന്ദ്ര മോട്ടോര്വാഹന നിയമത്തിലെ വ്യവസ്ഥ. 12 വയസില് താഴെയുള്ള കുട്ടികള്ക്ക് രക്ഷിതാക്കള്ക്കൊപ്പം ഹെല്മെറ്റ് വെച്ച് യാത്ര ചെയ്യാനുള്ള അനുമതി നേടാനാണ് ശ്രമം. 10ന് ചേരുന്ന ഉദ്യോഗസ്ഥരുടെ യോഗത്തില് ഇക്കാര്യം വിലയിരുത്തും. യോഗത്തിന്റെ തീരുമാനം അനുസരിച്ച് കേന്ദ്രത്തെ സമീപിക്കും.മന്ത്രി ആന്റണി രാജു പറഞ്ഞു. റോഡ് ക്യാമറകളുടെ പരിശോധനകളെക്കുറിച്ചുള്ള പരാതികള് സര്ക്കാര് പരിശോധിക്കുമെന്നും മന്ത്രി പറഞ്ഞു.