ഇസ്ലാമാബാദ്: മുന്‍ പാകിസ്ഥാന്‍ പ്രധാനമന്ത്രി ഇമ്രാന്ഖാന് വെടിയേറ്റു. ഗു ഞ്ചന്‍വാലി പ്രവിശ്യയില്‍ റാലിയെ അഭിസംബോധന ചെയ്യവെയായിരുന്നു ഇമ്രാനുനേരെ ആക്രമണം. അജ്ഞാതന്‍റെ വെടിവെപ്പില്‍ ഇമ്രാന്‍റെ സഹപ്രവര്‍ത്തകരടക്കം അഞ്ച് പേര്‍ക്കും പരുക്കുണ്ട്.ഇമ്രാന്ഖാന് കാലിലാണ് വെടിയേറ്റത്. അദ്ദേഹത്തെ ഉടന്‍ ഇസ്ലാമാബാദിലെ ആശുപത്രിയലേക്ക് മാറ്റി. എകെ 47 തോക്ക് ഉപയോഗിച്ചാണ് വെടിയുതിര്‍ത്തതെന്നാണ് വിവരം.ആരുടെയും നില ഗുരുതരമല്ല. ഇമ്രാന്‍ ഖാന്‍റെ പാര്‍ട്ടിയുടെ നേതൃത്വത്തില്‍ ഇസ്ലാമാബാദിലേക്കുള്ള റാലിക്കിടെയാണ് ആക്രമണമുണ്ടായത്. റാലിയില്‍ സംസാരിക്കാന്‍ ഒരുങ്ങവെ അദ്ദേഹം സഞ്ചരിച്ചിരുന്ന കണ്ടെയ്നറിലേക്ക് വെടിയുതിര്‍ക്കുകയായിരുന്നു. ആക്രമത്തെ പാക് പ്രധാനമന്ത്രി ഷഹബാസ് ഷെരീഫ് അപലപിച്ചു.
വിവിധ വിഷയങ്ങള്‍ ഉന്നയിച്ച് ഒക്ടോബര്‍ 28 നാണ് ഇമ്രാന്ഖാന് ലാഹോറില്‍ നിന്ന് ഇസ്ലാമാബാദിലേക്ക് പ്രതിഷേധ മാര്‍ച്ച് ആരംഭിച്ചത്. പ്രധാനമന്ത്രി സ്ഥാനത്തുനിന്ന് പുറത്തായതിന് ശേഷം ഇമ്രാന്‍ ഖാന്‍റെ നേതൃത്വത്തില്‍ പ്രതിഷേധങ്ങള്‍ തുടരുകയാണ്. ലാഹോറില്‍ തുടങ്ങിയ മാര്‍ച്ച് സമ്മേളനത്തോടെ ഇസ്ലാമാബാദില്‍ സമാപിക്കാനിരിക്കെയാണ് ആക്രമണം.
Monday, September 25, 2023
