ന്യുഡല്‍ഹി: രാജ്യത്ത് കഴിഞ്ഞ മൂന്ന് വര്‍ഷത്തിനിടെ 436 സായുധ സേനാംഗങ്ങള്‍ ആത്മഹത്യ ചെയ്തെന്ന് കേന്ദ്ര ആഭ്യന്തര സഹമന്ത്രി നിത്യാനന്ദ റായ് രാജ്യസഭയെ അറിയിച്ചു.കേന്ദ്ര സായുധ പൊലീസ് സേനകളായ സി.ആര്‍.പി.എഫ്, ബി.എസ്.എഫ് തുടങ്ങിയ വിഭാഗങ്ങളില്‍ നിന്നുള്ളവരാണ് ആത്മഹത്യ ചെയ്തത്.സായുധ പൊലീസ് സേനകളായ സി.ആര്‍.പി.എഫ്, ബി.എസ്.എഫ്, സി.ഐ.എസ്.എഫ്, ഐ.ടി.ബി.പി, എസ്.എസ്.ബി, എന്‍.എസ്.ജി, ആസാം റൈഫിള്‍സ് എന്നീ വിഭാഗങ്ങളിലെ ആത്മഹത്യ തടയുന്നതിനും ആവശ്യമായ മെഡിക്കല്‍ നിര്‍ദേശങ്ങള്‍ നല്‍കുന്നതിനും പ്രത്യേക സംഘത്തെ നിയോഗിച്ചിട്ടുണ്ടെന്നും സംഘം റിപ്പോര്‍ട്ട് തയാറാക്കി വരികയാണെന്നും നിത്യാനന്ദ റായ് വ്യക്തമാക്കി.135 പേര്‍ 2022ലും 157 പേര്‍ 2021ലും 144 പേര്‍ 2020ലും ആത്മഹത്യാ ചെയ്തതെന്നും അദ്ദേഹം കൂട്ടിച്ചേര്‍ത്തു
Monday, March 20, 2023