തിരുവനന്തപുരം: സംസ്ഥാനത്ത് മഴ കനത്തതിനാല് മുന്നറിയിപ്പുമായി റവന്യൂ മന്ത്രി കെ.രാജന്. മഴക്കെടുതി വിലയിരുത്താന് വിളിച്ച യോഗത്തിന് ശേഷം മഴക്കെടുതി ദുരിതം നേരിടാന് സംസ്ഥാനം പൂര്ണ്ണമായും സജ്ജമാണെന്ന് മന്ത്രി പറഞ്ഞു. വീഡിയോ കോണ്ഫറന്സ് വഴി നടന്ന യോഗത്തില് ജില്ലാ കലക്ടര്മാരും പങ്കെടുത്തു. തുടര്ന്ന് മാധ്യമപ്രവര്ത്തകരോട് യോഗ തീരുമാനങ്ങള് വിശദീകരിക്കുകയായിരുന്നു മന്ത്രിഇടുക്കി, കോട്ടയം, പത്തനംതിട്ട എന്നീ ജില്ലകള്ക്ക് പ്രത്യേക ശ്രദ്ധ നല്കാന് യോഗത്തില് തീരുമാനിച്ചു.
ഇവിടെ മുന്നൊരുക്കങ്ങള്ക്കും ദുരന്ത നിവാരണ പ്രവര്ത്തനങ്ങള്ക്കും ജില്ലാ കലക്ടര്മാര്ക്കായിരിക്കും ചുമതല. അപകടാവസ്ഥയിലുള്ള മരങ്ങള് മുറിച്ചുനീക്കാനുള്ള തീരുമാനമായി. എന്നാല് ഇതിന് കലക്ടറുടെ നിര്ദേശത്തിന് കാത്തുനില്ക്കേണ്ടതില്ല. ക്യാമ്പുകള് തുറക്കാന് സജ്ജമാണ്. കൂടുതല് പേര് ക്യാമ്പുകളിലേക്ക് വരാന് സാധ്യതയുണ്ട്.
താലൂക് അടിസ്ഥാനത്തിലും ജില്ലാടിസ്ഥാനത്തിലും എമര്ജന്സി സെന്ററുകള് തുറക്കും. പനി ബാധിതരെ പ്രത്യേകം പാര്പ്പിക്കണം.
അവധി തലേന്ന് തന്നെ പ്രഖ്യാപിക്കണമെന്നും തെറ്റായ വിവരങ്ങള് പ്രചരിപ്പിച്ചാല് നടപടിയെന്നും മന്ത്രി പറഞ്ഞു.