തിരുവനന്തപുരം : ആരോഗ്യ വകുപ്പ് മന്ത്രി വീണാ ജോര്ജുമായി ക്യൂബന് അംബാസഡര് അലജാന്ദ്രോ സിമന്കാസ് മാരിന് കൂടിക്കാഴ്ച നടത്തി. കേരളത്തിന്റെ ആരോഗ്യ മേഖലയെ അംബാസഡര് അഭിനന്ദിച്ചു. കോവിഡ് മഹാമാരിയെ ക്യൂബ നേരിട്ട വിധം അംബാസഡര് വിവരിച്ചു. പ്രാഥമികാരോഗ്യ തലത്തിലെ മികച്ച പ്രവര്ത്തനങ്ങളാണ് കോവിഡിനെ പ്രതിരോധിക്കാന് സഹായിച്ചത്. കേരളത്തിലും പ്രാഥമികാരോഗ്യ തലം ശക്തമാണ്. കോവിഡ്, നിപ തുടങ്ങിയ പകര്ച്ചവ്യാധികളെ ഫലപ്രദമായി നേരിടാനായത് ഇത്തരം ആരോഗ്യ അടിത്തറയാണ്. ആരോഗ്യ രംഗത്ത് സഹകരിക്കാന് പറ്റുന്ന മേഖലയില് സഹകരിക്കുന്നതാണ്. കുടുംബ ഡോക്ടര് പദ്ധതി, റഫറല് സംവിധാനങ്ങള്, വാക്സിന്, മരുന്ന് ഉദ്പാദനം, ജീവിതശൈലീ രോഗ നിയന്ത്രണം, മെഡിക്കല് വിദ്യാഭ്യാസം എന്നീ മേഖലകളില് സഹകരിക്കുമെന്നും അംബാസഡര് പറഞ്ഞു.
Thursday, January 16, 2025