അശ്വാഭ്യാസത്തില്‍ ചരിത്രം സൃഷ്ടിച്ച് ഇന്ത്യക്ക് സ്വര്‍ണം

Latest News

ഹാങ്ചോ:ഏഷ്യന്‍ ഗെയിംസില്‍ അശ്വാഭ്യാസത്തില്‍ സ്വര്‍ണം സ്വന്തമാക്കി ഇന്ത്യ. ഡ്രസ്സേജ് വിഭാഗത്തിലാണ് ഇന്ത്യ സ്വര്‍ണം നേടിയത്. ഇതോടെ ഇന്ത്യ ഇതുവരെയായി മൂന്നു സ്വര്‍ണമെഡലുള്‍പ്പെടെ 14 മെഡല്‍ നേടിയിട്ടുണ്ട്. ടീം ഇനത്തില്‍ സുദിപ്തി ഹജേല, ദിവ്യാകൃതി സിങ്, ഹൃദയ് വിപുല്‍ ഛെദ്ദ, അനുഷ് അഗര്‍വല്ല എന്നിവരാണ് അശ്വാഭ്യാസത്തില്‍ വിജയിച്ചത്. 41 വര്‍ഷത്തിനു ശേഷമാണ് അശ്വാഭ്യാസത്തില്‍ ഇന്ത്യ സ്വര്‍ണം നേടുന്നത്. ഈ ഇനത്തില്‍ ചൈന വെള്ളിയും ഹോങ് കോങ് വെങ്കലവും നേടി. ഇന്നലെ ആദ്യ മെഡല്‍ സെയ്ലിംഗില്‍ വെള്ളിയായിരുന്നു.നേഹ ഠാക്കൂറാണ് ഇന്ത്യയ്ക്കായി മെഡല്‍ നേടിയത്. പുരുഷന്‍മാരുടെ വിന്‍ഡ്സര്‍ഫര്‍ ആര്‍എസ് എക്സ് വിഭാഗം സെയ്ലിംഗില്‍ ഈബാദ് അലി വെങ്കലം സ്വന്തമാക്കി. പുരുഷന്‍മാരുടെ 100 മീറ്റര്‍ റിലേ നീന്തലില്‍ ഇന്ത്യന്‍ ടീം ഫൈനലില്‍ കടന്നു. മലയാളി താരം സജന്‍ പ്രകാശ് ഉള്‍പ്പെട്ട ടീമാണ് നാലാമതായി ഫിനിഷ് ചെയ്തത്. പുരുഷന്‍മാരുടെ സ്ക്വാഷ് ഗ്രൂപ്പ് ഇനത്തിലെ ആദ്യ മത്സരത്തില്‍ ഇന്ത്യ സിംഗപ്പൂരിനെ തോല്‍പിച്ചു. 3-0 നാണ് ഇന്ത്യയുടെ വിജയം. അടുത്ത മത്സരത്തില്‍ ഖത്തറാണ് ഇന്ത്യയുടെ എതിരാളികള്‍.പുരുഷ ഹോക്കിയില്‍ ഇന്ത്യ തുടര്‍ച്ചയായ രണ്ടാം മത്സരത്തിലും വിജയം നേടി. ഗ്രൂപ്പ് മത്സരത്തില്‍ സിങ്കപ്പുരിനെ ഒന്നിനെതിരേ 16 ഗോളുകള്‍ക്ക് തകര്‍ത്തു.

Leave a Reply

Your email address will not be published. Required fields are marked *