ശബരിമല; ശബരിമലയില് വിതരണം ചെയ്യുന്ന അരവണയിലെ ഏലയ്ക്കയ്ക്ക് നിലവാരമില്ലെന്ന് റിപ്പോര്ട്ട്.കീടനാശിനിയുടെ അംശം അടങ്ങിയ സുരക്ഷിതമല്ലാത്ത ഏലയ്ക്കയാണുപയോഗിക്കുന്നതെന്നാണ് കണ്ടെത്തല്. ഹൈക്കോടതി നിര്ദേശപ്രകാരം നടത്തിയ പരിശോധനയിലാണ് ഭക്ഷ്യ സുരക്ഷാ കമ്മിഷണറുടെ കണ്ടെത്തല്.
തിരുവനന്തപുരം ലാബിന്റെ പരിശോധനാ റിപ്പോര്ട്ട് ഹൈക്കോടതിയില് സമര്പ്പിച്ചു. റിപ്പോര്ട്ട് വ്യാഴാഴ്ച ഹൈക്കോടതി പരിഗണിക്കും. ഏലയ്ക്കാ വിതരണം സംബന്ധിച്ച് അയ്യപ്പാ സ്പൈസസ് കമ്പനി നല്കിയ ഹര്ജിയിലായിരുന്നു കോടതി നടപടി. ടെന്ഡര് നടപടികള് പാലിക്കാതെ കരാര് നല്കിയതും ഹൈക്കോടതി പരിഗണിക്കും.പമ്പയിലെ ഭക്ഷ്യ സുരക്ഷാ ലബോറട്ടറിയില് പരിശോധിച്ചു ഗുണനിലവാരം ഉള്ള ഏലയ്ക്ക മാത്രമാണ് ഇപ്പോള് സന്നിധാനത്തേക്ക് അയയ്ക്കുന്നത്. അല്ലാത്തവ തിരിച്ചയയ്ക്കുകയാണ്.
Thursday, January 16, 2025