ലക്നൗ:ലക്നൗവിലെ കോടതി പരിസരത്തുണ്ടായ വെടിവയ്പ്പില് ഗുണ്ടാനേതാവ് സഞ്ജീവ് ജീവ കൊല്ലപ്പെട്ടു. അഭിഭാഷകന്റെ വേഷത്തില് എത്തിയ അക്രമിയാണു വെടിയുതിര്ത്തത്. ബി.ജെ.പി നേതാവ് ബ്രഹ്മദത്ത് ദ്വിവേദിയെ കൊലപ്പെടുത്തിയ കേസിലെ പ്രതിയാണു സഞ്ജീവ്.
വെടിവയ്പ്പില് ഒരു പൊലീസുകാരനും യുവതിക്കും പരുക്കേറ്റു. ഇവരെ ആശുപത്രിയില് പ്രവേശിപ്പിച്ചു. നിരവധി ക്രിമിനല് കേസുകളില് പ്രതിയാണു സഞ്ജീവ് ജീവ. വാദം കേള്ക്കുന്നതിനായാണു സഞ്ജീവിനെ കോടതിയിലെത്തിച്ചത്. അഭിഭാഷകന്റെ വേഷത്തില് കാറിലെത്തിയ പ്രതി സഞ്ജീവ് ജീവയ്ക്കു നേരെ വെടിയുതിര്ക്കുകയായിരുന്നു. തൊട്ടുപിന്നാലെ തന്നെ സംഭവ സ്ഥലത്തുനിന്നു പ്രതികള് കടന്നുകളയുകയും ചെയ്തു.
ഗുണ്ടാത്തലവന് മുക്താര് അന്സാരിയുടെ സഹായിയാണു സഞ്ജീവ്. 2018ല് കൊല്ലപ്പെട്ട മുന്ന ബജ്രംഗിന്റെ അടുത്ത ആളുമായിരുന്നു സഞ്ജീവ് ജീവ.