കൊച്ചി: നിയമസഭാ തെരഞ്ഞെടുപ്പ് നടക്കുന്ന അഞ്ച് സംസ്ഥാനങ്ങളിലും കോണ്ഗ്രസ് സര്ക്കാര് രൂപീകരിക്കുമെന്ന് എഐസിസി ജനറല് സെക്രട്ടറി കെ. സി. വേണുഗോപാല്. രാജ്യത്ത് കോണ്ഗ്രസ് അനുകൂല തരംഗം നിലവിലുണ്ട്. ബി.ജെ.പിയുടെ തെരഞ്ഞെടുപ്പ് ആയുധമാണ് അന്വേഷണ ഏജന്സികള് എന്നും കെ. സി.വേണുഗോപാല് വിമര്ശിച്ചു.മധ്യപ്രദേശ്, രാജസ്ഥാന്, ഛത്തീസ്ഗഢ്, മിസോറാം, തെലങ്കാന സംസ്ഥാനങ്ങളിലെ നിയമസഭാ തിരഞ്ഞെടുപ്പ് പശ്ചാത്തലത്തിലാണ് പ്രതികരണം.കോണ്ഗ്രസ് മത്സരിക്കുന്നത് എന്ഫോഴ്സ്മെന്റ് ഡയറക്ട്രേറ്റിനോടും മറ്റ് അന്വേഷണ ഏജന്സികളോടുമാണ്. ബി.ജെ.പിയുടെ തെരഞ്ഞെടുപ്പ് മാനേജ്മെന്റ് ടീമായി ഇ ഡി മാറി. പ്രതിപക്ഷത്തെ നേതാക്കളെ കള്ളക്കേസില് കുടുക്കുകയാണ്. ലോക്സഭ തെരഞ്ഞെടുപ്പില് കേരളത്തില് മത്സരിക്കാനുള്ള സാധ്യത കെ.സി.വേണുഗോപാല് തള്ളിയില്ല. കേരളത്തില് മത്സരിക്കണമെന്ന് ആഗ്രഹിക്കാന് ജനങ്ങള്ക്ക് അവകാശമുണ്ട്. എന്നാല് അന്തിമ തീരുമാനമെടുക്കേണ്ടത് പാര്ട്ടി കേന്ദ്ര തെരഞ്ഞെടുപ്പ് സമിതിയാണ്. ബി.ജെ.പിയെ താഴെയിറക്കുകയാണ് ലക്ഷ്യം. കേരളത്തില് യു.ഡി.എഫ് സമ്പൂര്ണ വിജയം നേടുമെന്ന് കെ.സി. വേണുഗോപാല് ആത്മവിശ്വാസം പ്രകടിപ്പിച്ചു.