ലോകകപ്പ് യോഗ്യത:
ഫിര്‍മിനോ ഗോളില്‍ ബ്രസീലിന് ജയം

സാവോ പോളോ: രണ്ടാംപകുതിയില്‍ ഫിര്‍മിനോയിലൂടെ നേടിയ ഏക ഗോളില്‍ ബ്രസീലിന് ലോകകപ്പ് യോഗ്യതാ റൗണ്ടില്‍ തുടര്‍ച്ചയായ മൂന്നാം ജയം. വെനസ്വേലയ്‌ക്കെതിരായ എതിരില്ലാത്ത ഏക ഗോള്‍ ജയത്തോടെ പട്ടികയില്‍ ബ്രസീല്‍ ഒന്നാം സ്ഥാനം നിലനിര്‍ത്തി.

Continue Reading

വാളയാര്‍ പെണ്‍കുട്ടികളുടെ വിഷയത്തില്‍ ഇടതുപക്ഷത്തിന് അന്ധത: ജെയ്‌സണ്‍ ജോസഫ്

വാളയാര്‍: ഹാത്രസ്സിലെ പെണ്‍കുട്ടിയുടെ നീതിക്ക് വേണ്ടി സമരം ചെയ്ത ഇടതുപക്ഷത്തിന് വാളയാര്‍ ചൂണ്ടി കാണിച്ചു കൊടുക്കുമ്പോള്‍ അന്ധത നടിക്കുന്നുവെന്ന് കെ.പി.സി.സി. ജനറല്‍ സെക്രട്ടറി ജെയ്‌സണ്‍ ജോസഫ്.

Continue Reading

വാളയാറിലെ അമ്മയുടെ വിലാപം

അന്‍പത്തിരണ്ട് ദിവസങ്ങള്‍ക്കുള്ളില്‍ രണ്ട് പെണ്‍മക്കളുടെ മാനം കവര്‍ന്ന് അവരെ കൊലചെയ്ത് കെട്ടിത്തൂക്കിയ സംഭവത്തില്‍ പുനരന്വേഷണം ആവശ്യപ്പെട്ടുകൊണ്ട് മരിച്ച കുട്ടികളുടെ മാതാപിതാക്കള്‍ നടത്തുന്ന ധാര്‍മിക സമരം സ്വന്തം വീട്ടുമുറ്റത്തെത്തിയിരിക്കയാണ്. പൊലീസിന്റെ ഒത്താശയാല്‍ കേസിലെ മുഴുവന്‍ പ്രതികളും രക്ഷപ്പെട്ടത് യോഗി ആദിത്യനാഥിന്റെ യു പിയിലല്ല, പിണറായി വിജയന്‍ ഭരിക്കുന്ന കേരളത്തിലാണ്. മക്കളുടെ ഘാതകരെ ശിക്ഷിക്കാന്‍ മുഖ്യമന്ത്രിയുടെ വാതിലില്‍ മുട്ടിയിട്ടും സംസ്ഥാന ഭരണ സിരാകേന്ദ്രമായ സെക്രട്ടേറിയറ്റിന് മുന്‍പില്‍ ധര്‍ണ നടത്തിയിട്ടും ഫലമില്ലാതായപ്പോഴാണ് കോവിഡ് നിയന്ത്രണങ്ങള്‍ പാലിച്ച് വീട്ടകം സമരകേന്ദ്രമാക്കി മാറ്റിയത്.

Continue Reading

ജീവനക്കാരിയെ പീഡിപ്പിക്കാന്‍ ശ്രമിച്ച ഇടത് ട്രേഡ് യൂണിയന്‍ നേതാവിനെ അറസ്റ്റ് ചെയ്യണം

ജീവനക്കാരിയെ പീഡിപ്പിക്കാന്‍ ശ്രമിച്ച ഇടത് ട്രേഡ്
യൂണിയന്‍ നേതാവിനെ അറസ്റ്റ് ചെയ്യണം

മലപ്പുറം : ജില്ലാ സമഗ്ര ശിക്ഷാ കേരള പ്രോജക്ട് ഓഫീസില്‍ ജീവനക്കാരിയെ പീഡിപ്പിക്കാന്‍ ശ്രമിച്ച ഇടത് ട്രേഡ് യൂണിയന്‍ നേതാവിനെ നിസ്സാര വകുപ്പ് ചുമത്തി കേസെടുത്ത് പ്രതിയെ ഭരണത്തിന്റെ തണലില്‍ സംരക്ഷിക്കാന്‍ ശ്രമിക്കുന്നതില്‍ പ്രതിഷേധിച്ച് കെ പി എസ് ടി എ മലപ്പുറം വനിതാ ഫോറം കമ്മിറ്റി മാര്‍ച്ചും ധര്‍ണ്ണയും നടത്തി.മലപ്പുറം ജില്ലാ പ്രോജക്ട് ഓഫീസിന് മുന്നില്‍ നടന്ന ധര്‍ണ സംസ്ഥാന സെക്രട്ടറി കെ അബ്ദുല്‍ മജീദ് ഉദ്ഘാടനം ചെയ്തു. വനിതാ ഫോറം കണ്‍വീനര്‍ സുഷമ കണിയാടില്‍ അധ്യക്ഷതവഹിച്ചു . ജില്ലാ പ്രസിഡണ്ട് ടി. വി രഘുനാഥ്, സംസ്ഥാന നിര്‍വാഹക സമിതി അംഗങ്ങളായ സി വി സന്ധ്യ , കെ .സുരേഷ് ജില്ലാ നേതാക്കളായ സി പി മോഹനന്‍ , കെ.വി മനോജ് കുമാര്‍ സി .ഗിരിജ. ഹാരിസ് ബാബു കെ. എന്നിവര്‍ സംസാരിച്ചു.

Continue Reading

തൃശൂരിലെ കോണ്‍ഗ്രസിനെ എം.പി.വിന്‍സന്റ് നയിക്കും

തൃശൂര്‍:ജില്ലയിലെ ഏറ്റവും വലിയ രാഷ്ട്രീയ പ്രസ്ഥാനത്തെ ഇനി എം.പി.വിന്‍സന്റ് നയിക്കും.പ്രഗത്ഭരുടെ വഴിയിലൂടെ തന്നെ.ഇന്ന് രാവിലെ 10 മണിക്ക് ഡിസിസി ഓഫീസായ കെ.കരുണാകരന്‍ സപ്തതി മന്ദിരത്തിലെത്തി ഡിസിസി പ്രസിഡണ്ടായി അധികാരമേല്‍ക്കും.എഐസിസി നേതൃത്വം വിന്‍സന്റിന്റെ പേര് ഡിസിസി പ്രസിഡണ്ട് സ്ഥാനത്തേക്ക് പ്രഖ്യാപിച്ചതോടെ ജില്ലയില്‍ കോണ്‍ഗ്രസ് നേതൃതലത്തില്‍ 1980കളിലെ തലമുറയുടെ മറ്റൊരുവക്താവ് കൂടിവരുകയാണ്.അക്കാലത്ത് കെഎസ്‌യു പ്രസ്ഥാനത്തെ നയിച്ച വിന്‍സന്റ് പിന്നീട് യൂത്ത്‌കോണ്‍ഗ്രസ് കെപിസിസിയുടെ നേതൃതലത്തില്‍ എത്തി.

Continue Reading

കേരളപ്പിറവി ദിനത്തില്‍ ജില്ലയില്‍ 2000 കേന്ദ്രങ്ങളില്‍ ഉപവാസം

കോഴിക്കോട്: കേരളപ്പിറവി ദിനമായ നവംബര്‍ ഒന്ന് യുഡിഎഫ് വഞ്ചനാദിനമായി ആചരിക്കും.ഇതിന്റെ ഭാഗമായി കോഴിക്കോട് ജില്ലയില്‍ രണ്ടായിരം കേന്ദ്രങ്ങളില്‍ ഉപവാസ സമരം നടക്കും. രാവിലെ പത്തു മുതല്‍ 12മണിവരെയായിരിക്കും ഉപവാസമെന്ന് യുഡിഎഫ് ജില്ലാ ചെയര്‍മാന്‍ കെ. ബാലനാരായണന്‍ അറിയിച്ചു.സ്വര്‍ണ്ണ കള്ളകടത്തുകാര്‍ക്ക് കുട പിടിക്കുന്ന പിണറായി വിജയനും കെ. ടി ജലിലും രാജിവെച്ച് അന്വേഷണത്തെ നേരിടുക, പിന്‍വാതില്‍, അനധികൃത-കരാര്‍ നിയമനങ്ങളെല്ലാം റദാക്കി ഒഴിവുള്ള തസ്തികകളെല്ലാം പിഎസ്‌സി വഴി ഉടന്‍ പുതിയ നിയമനങ്ങള്‍ നടത്തുക,തദ്ദേശസ്വയംഭരണ സ്ഥാപനങ്ങളുടെ അധികാരവും ഫണ്ടും വെട്ടികുറക്കുന്ന സര്‍ക്കാര്‍ നടപടി അവസാനിപ്പിക്കുക, വാളയാറിലെ പെണ്‍കുട്ടികളുടെ കുടുംബത്തിന് നീതി ഉറപ്പാക്കി പോലീസിന്റെയും സര്‍ക്കാരിന്റെയും കള്ളകളി അവസാനിപ്പിക്കുക, ഹത്രാസിലെ ദളിത് ബാലികയുടെ കുടുംബത്തിന് നീതി നല്‍കുക, ബി. ജെ. പി ഭരിക്കുന്ന സംസ്ഥാന ങ്ങളിലെ ദളിത് -ആദിവാസി – ന്യൂനപക്ഷ അക്രമണങ്ങളും കൊലപാതകങ്ങളും അവസാനിപ്പിക്കുക, പാര്‍ലമെന്റ് പാസാക്കിയ കര്‍ഷക ദ്രോഹ ബില്‍ പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് ഉപവാസം.

Continue Reading