കൊച്ചിയിലെ നിയമവിരുദ്ധ വഴിയോരക്കച്ചവടം; ഒഴിപ്പിക്കല്‍ നടപടികള്‍ തുടരുന്നു

കൊച്ചി നഗരത്തിലെ അനധികൃത വഴിയോര കച്ചവടക്കാരെ ഒഴിപ്പിക്കുന്നത് തുടരുന്നു. ഇന്നലെ പനമ്പള്ളി നഗറില്‍ പ്രവര്‍ത്തിച്ചിരുന്ന കടകള്‍ കോര്‍പ്പറേഷന്‍ ഉദ്യോഗസ്ഥരുടെ നേതൃത്വത്തിലാണ് പൊളിച്ചു മാറ്റിയത്. ലൈസന്‍സില്ലാതെ കച്ചവടം നടത്തുന്നവര്‍ക്ക് കോര്‍പ്പറേഷന്‍ നേരത്തെ ഒഴിഞ്ഞു പോകണമെന്നറിയിച്ച് നോട്ടീസ് നല്‍കിയിരുന്നു. ഇത് ലംഘിച്ച് കച്ചവടം നടത്തിയവര്‍ക്കെതിരെയാണ് നടപടി. ഇന്നലെ പനമ്പള്ളി നഗറിലെ കടകള്‍ കോര്‍പ്പറേഷന്‍ ഉദ്യോഗസ്ഥര്‍ നേരിട്ട് എത്തിയാണ് പൊളിച്ച് മാറ്റിയത്. നേരത്തെ കോടതി നിര്‍ദേശം വന്നതിന് പിന്നാലെ കോര്‍പ്പറേഷന്‍ നടപടികള്‍ തുടങ്ങിയിരുന്നു. കഴിഞ്ഞ ദിവസങ്ങളില്‍ ഫോര്‍ട്ട് കൊച്ചി, വൈറ്റില. കലൂര്‍ തുടങ്ങിയ പ്രദേശങ്ങളിലെ വഴിയോരകച്ചവടക്കാരെയാണ് ഒഴിപ്പിച്ചത്. വരും ദിവസങ്ങളില്‍ കൂടുതല്‍ നിര്‍മ്മാണ പ്രവര്‍ത്തനങ്ങള്‍ നീക്കുമെന്ന് ഉദ്യോഗസ്ഥര്‍ അറിയിച്ചു. കയ്യേറ്റങ്ങള്‍ നീക്കം ചെയ്യുന്നതിനെതിരെ ചില കട ഉടമകള്‍ കോടതിയെ സമീപിച്ച് അനുകൂല ഉത്തരവ് നേടിയിരുന്നു. ഈ സാഹചര്യത്തില്‍ രേഖകള്‍ പരിശോധിച്ച് നിയമവിരുദ്ധമെന്ന് ഉറപ്പാക്കിയ ശേഷമാണ് നിര്‍മ്മാണങ്ങള്‍ ഒഴിപ്പിക്കുന്നത്.

ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍