സൗദിയില്‍ അതിഥി വിസ സമ്പ്രദായം ഉടന്‍ നടപ്പാക്കുമെന്ന് ദേശീയ ഹജ്ജ് ഉംറ കമ്മിറ്റി

സൗദി:സൗദിയില്‍ അതിഥി വിസ സമ്പ്രദായം ഉടന്‍ പ്രാബല്യത്തി ലാകുമെന്ന് ദേശീയ ഹജ്ജ് ഉംറ കമ്മിറ്റി ഉപാധ്യക്ഷന്‍ അബ്ദുല്ല ഖാദി. മഖാം പോര്‍ട്ടല്‍ വഴി ഇടനിലക്കാരില്ലാതെ ഉംറ വിസക്ക് അപേക്ഷിക്കാം. മഹറമില്ലാതെ 18 വയസ്സിന് മുകളിലുള്ള വനിതകള്‍ക്ക് ഉംറക്കെത്താന്‍ അവസരമൊരുക്കുമെന്നും അദ്ദേഹം പറഞ്ഞു.90 ദിവസത്തേക്കാണ് അതിഥി വിസ അനുവദിക്കുക. രാജ്യത്തെ പൗരന്മാര്‍ക്കും താമസരേഖയുള്ള വിദേശികള്‍ക്കും സ്വന്തം സ്‌പോണ്‍സര്‍ഷിപ്പില്‍ അതിഥികളെ കൊണ്ടുവരുവാന്‍ അനുവാദം നല്‍കുന്നതാണ് പുതിയ വിസ. എന്നാല്‍ ഏതെല്ലാം പ്രൊഫഷനുകള്‍ക്കാണ് അതിഥി വിസ അനുവദിക്കുക എന്നത് ഇപ്പോള്‍ വ്യക്തമല്ല. ഒരു സ്വകാര്യ ചാനലിന് നല്‍കിയ പ്രത്യേക പരിപാടിയിലാണ് ദേശീയ ഹജ്ജ് ഉംറ കമ്മിറ്റി ഉപാധ്യക്ഷന്‍ അബ്ദുല്ല ഖാദി ഇക്കാര്യം പറഞ്ഞത്.ഉംറ തീര്‍ത്ഥാടകര്‍ക്ക് രാജ്യത്തുടനീളം സഞ്ചരിക്കുന്നതിനും വിവിധ പരിപാടികളില്‍ പങ്കെടുക്കുന്നതിനും പുതിയ ചട്ടപ്രകാരം അനുവാദം നല്‍കുന്നുണ്ട്. അത് പോലെ തന്നെ ടൂറിസ്റ്റ് വിസകളിലെത്തുന്നവര്‍ക്ക് ഉംറ ചെയ്യുന്നതിനും തടസ്സങ്ങളില്ല. വനിതകളായ ഉംറ തീര്‍ത്ഥാടകര്‍ക്ക് ഏര്‍പ്പെടുത്തിയിരുന്ന മഹറം വ്യവസ്ഥയില്‍ മാറ്റം വരും.18 വയസ്സിന് മുകളിലുളള സ്ത്രീകള്‍ക്ക് മഹറമില്ലാതെ ഉംറക്ക് വരാം എന്ന ചട്ടം ഉടന്‍ നടപ്പിലാക്കും. നേരത്തെ ഇത് 45 വയസ്സായിരുന്നു. എന്നാല്‍ ഹജ്ജിനെത്തുന്നവര്‍ക്ക് വ്യത്യസ്ഥമായ വ്യവസ്ഥകളാണുണ്ടാകുകയെന്നും അദ്ദേഹം പറഞ്ഞു.

ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍