വിക്കറ്റ് കീപ്പര്‍മാരെ കൊണ്ട് സമ്പന്നം ഇന്ത്യന്‍ ലോകകപ്പ് ടിം

റിഷഭ് പന്ത് കൂടി ടീമില്‍ എത്തുന്നതോടെ ഇന്ത്യന്‍ ടീമിലുള്ള വിക്കറ്റ് കീപ്പര്‍മാരുടെ എണ്ണം അഞ്ചായി. എം.എസ് ധോണി, ദിനേ ഷ് കാര്‍ത്തിക്, റിഷഭ് പന്ത് എന്നിവര്‍ സ്‌പെ ഷ്യലിസ്റ്റ് വിക്കറ്റ് കീപ്പര്‍മാരാ ണെങ്കി ല്‍ കെ.എല്‍ രാഹുല്‍, കേദാര്‍ ജാദവ് എന്നിവര്‍ പാര്‍ട് ടൈം വിക്കറ്റ് കീപ്പര്‍ മാരാണ്. വിക്കറ്റിന് പിന്നില്‍ ധോണിയുടെ വിശ്വസ്ത കരങ്ങളുള്ളിടത്തോളം മറ്റൊരു സാധ്യതയെ കുറിച്ച് ഇന്ത്യ ആലോചിക്കേ ണ്ടതില്ല. പക്ഷെ 15 അംഗ ടീമില്‍ ആ ജോലി ചെയ്യാന്‍ കഴിവുള്ള 5 പേരെങ്കിലുമുണ്ട്. കഴിഞ്ഞ 15 വര്‍ഷമായി ധോണിയാണ് വിക്കറ്റ് കീപ്പറുടെ ഗ്ലൌ അണിയുന്നത്. 344 മത്സരങ്ങളുടെ അനുഭവ സന്പത്ത് മാത്രം മതി ധോണി ആ ജോലിയില്‍ കാട്ടുന്ന മികവ് വരച്ചിടാന്‍. ദിനേശ് കാര്‍ത്തികാണ് രണ്ടാം വിക്കറ്റ് കീപ്പറായി ടീമില്‍ ഇടം പിടിച്ചത്. ധോണിയെ പോലെ തന്നെ വിക്കറ്റ് കീപ്പര്‍ ബാറ്റ്‌സ്മാന്‍. ഇന്ത്യന്‍ ടീമിന്റെ വിക്കറ്റ് കീപ്പറായി പല തവണ മികവ് തെളിയിച്ചു. ഐ.പി.എല്ലിലും ആഭ്യന്തര ക്രിക്കറ്റിലും സ്ഥിരം വിക്കറ്റ് കീപ്പറാണ് ഈ തമിഴ്‌നാട്ടുകാരന്‍. ധവാന് പകരമെത്തിയ റിഷഭ് പന്തും വിക്കറ്റ് കീപ്പര്‍ ബാറ്റ്‌സ്മാനാണ്. ഇന്ത്യന്‍ അണ്ടര്‍ 19 ടീമിന്റെ കീപ്പറും ഓപ്പണറുമായിരുന്നു പന്ത്. വിരലിലെണ്ണാവുന്ന മത്സരങ്ങളിലാണെങ്കിലും സീനിയര്‍ ടീമിലും വിക്കറ്റ് കീപ്പറുടെ ദൌത്യം നിര്‍വഹിച്ചു. ധോണി നേരത്തെ വിരമിച്ചതിനാല്‍ ടെസ്റ്റ് ക്രിക്കറ്റിലാണ് പന്തിന് കൂടുതല്‍ അവസരം ലഭിച്ചത്. ധോണിയെ പോലെ തന്നെ വെടിക്കെട്ട് ബാറ്റിങ്ങിന് മിടുക്കനാണ് ഈ യുവതാരം.ഇനി പാര്‍ട്‌ടൈം ആയി വിക്കറ്റ് കീപ്പറുടെ ജോലിയേറ്റെടുക്കാന്‍ മിടുക്കുള്ളവരുടെ കാര്യം പറയാം. ധവാന് പരിക്കേറ്റതോടെ ഓപ്പണറായി എത്തിയ കെ.എല്‍ രാഹുലാണ് ഒരാള്‍. ഐ.പി.എല്ലില്‍ കഴിഞ്ഞ സീസണില്‍ കിങ്‌സ് ഇലവന് പഞ്ചാബിന്റെ വിക്കറ്റ് കീപ്പറായിരുന്നു രാഹുല്‍. ആഭ്യന്തര ക്രിക്കറ്റില്‍ കര്‍ണാടകയ്ക്ക് വേണ്ടിയും ദൌത്യം ഏറ്റെടുത്തിട്ടുണ്ട്. കേദാര്‍ ജാദവാണ് മറ്റൊരാള്‍. ബാറ്റിങ് ഓള്‍ റൌണ്ടറാണ് ജാദവ്. ആവശ്യമെങ്കില്‍ വിക്കറ്റ് കീപ്പറുടെ റോളും നിര്‍വഹിക്കാന്‍ തയ്യാര്‍. ഐ.പി.എല്ലില്‍ പലപ്പോഴും കേദാര്‍ ജാദവ് വിക്കറ്റിന് പിന്നിലായിരുന്നു.ഇതിനെല്ലാം പുറമെ വിക്കറ്റ് കീപ്പിങ്ങില്‍ പ്രതിസന്ധിയുണ്ടായാല്‍ ആ ജോലി ചെയ്യാന്‍ നായകന്‍ വിരാട് കൊഹ്‌ലി തന്നെ തയ്യാര്‍. സന്നാഹ മത്സരത്തില്‍ ബംഗ്ലാദേശിനെതിരെ ഇന്ത്യന്‍ നായകന്‍ വിരാട് കൊഹ്‌ലി ഒരു ഓവറില്‍ വിക്കറ്റ് കീപ്പറുടെ റോള്‍ ഏറ്റെടുത്തിരുന്നു.

ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍